ORANJESTAD,Aruba
Mervin Wyatt-Ras a reacciona ariba acusacion di Evelyn Wever-Croes den direccion di su persona pa loke ta trata preguntanan cu e
parlamentario a haci na e mandatario durante e reunion publico tocante Coronavirus. Evelyn Wever Croes a core bai prensa pa bisa cu Wyatt-Ras lo a haci preguntanan baho. Wever a haci comosifuera Wyatt-Ras a bisa algo di su yiu. Durante e reunion Wyatt-Ras a haci varios pregunta, no solamente e dia di reunion, pero tambe por escrito. Na varios ocasion desde januari di e anja aki Wyatt-Ras a cuminsa haci pregunta encuanto di e virus aki.Durante e reunion Wyatt-Ras a haci pregunta encuanto entre otro pashentnan cu a test positivo. El a puntra cuanto material nos tin, cuanto cama di hospital tin disponibel, cuanto cama
di ICU, cuanto testnan diagnostico tin y cuanto mas mester. Tambe el a puntra encuanto seramento di
supermercadonan, e hecho cu
hopi ciudadano a perde trabou, control di cuarentena, guia social y
futuro economico y turistico. Tur e preocupacionnan aki e
parlamentario a trece padilanti paso ta preocupacion di
pueblo. Un di nan ta di un cuidadano cu ta wardando pa su familiar pa yega di exterior pero esaki no a sosode mientras cu e cuidadano a tende cu
famia di un minister si por a bin Aruba. Wyatt-Ras a haci e pregunta aki hunto cu e otronan tanto por escrito como den reunion. Well pa e gobierno indemocratico
esaki ta imposibel paso e minister a skohe pa bin insulta Wyatt-Ras y
a haci comosifuera e pregunta ta uno baho. Aki e ta ganja paso
Wyatt-Ras no a puntr’e si ta su yiu a bin Aruba. Wyatt-Ras a puntr’e
si famia di un minister lo a bin Aruba, mientras Aruba ta sera pa otro vuelo.
Segun Wyatt-Ras tin un dicho cu ta bisa “Piensa el ladron que todos son de su misma condicion” cu ta pas den caso aki.
Segun Wyatt-Ras nos no solamente tin derecho di haci e pregunta sino masbien tin e deber di haci e pregunta ora un persona den pueblo puntra mi esaki. Awor si ta bon. E minister a bai yora den prensa tambe paso e no lo a gusta cu durante e reunion Wyatt-Ras a critik’e cu e e presupuesto 2020 a ser entrega super laat y ta pesey awor gobiern ta hay‘e ta core cabes di gay pa buska fiansa y donacion pa e por atende cu su asuntonan.
Wyatt-Ras a bisa e minister ”When you go low we go high”. Paso aki no mester ganja.
Wever-Croes no mester usa un excusa pa bai lastra hende den prensa. Wyatt-Ras como parlamentario ta haci su trabou. Den e asunto di COVID 19 Wyatt-Ras desde januari a bin ta cuestiona gobierno. Niun hende
no a skucha e tempo aki. Awor nos ta confronta cu un “voldongen” feit. Durante e reunion nos tur a coopera. A pasa un mocion cu nos tur a bai di acuerdo cun‘e, locual e sra. aki no ta menciona. Su unico urgencia ta su cosnan personal . Wyatt-Ras a usa un expresoion di mama
Theresa cu ta lo siguiente: “Ora bo ta juzga hende bo no tin tempo pa
stima hende”. Na e
momentonan aki nos comunidad mester di politico cu ta humilde y tin compasion pa otro hende y no uno cu ta tira lodo riba otro hende.
![Mervin Wyatt-Ras: Evelyn Wever Croes Ta Ganja Atrobe 155 Image 1 1](https://www.earubianonews.com/wp-content/uploads/2020/04/image-1-1-450x600.jpg)