ORANJESTAD,Aruba
Durante reunion publico diaranson parlamentario Alan Howell a haci dos peticion special na
Minister di Asuntonan Social pa yuda esnan den mas necesidad. E prome tabata pa ‘unblock’ tur
onderstand y bijstand y e di dos tabata pa elimina e boet riba bijsjtand y onderstand.
E mandatario tabata hopi habri pa e dos peticionnan special aki y a indica cu pa loke ta e
unblock, practicamente tur a wordo unblock caba, mientras cu pa e di dos el lo bay haci esaki
tambe.
Pa Howell nos hendenan di menos recurso mester haya e atencion necesario tambe y ta comparti
e posicion di Minister Croes, kende a indica cu si entidadnan financiero ta dunando un periodo di
gracia, esnan cu ta haya onderstand of bijstand tambe merece e periodo aki. “Esnan di menos
recurso ta hopi suseptibel na e momentonan aki y merece tur e ayudo cu por brindanan”, Alan
Howell a duna di conoce.
Finalisando el a gradici Minister Croes pa a scucha y haci caso di su peticion.
