ORANJESTAD,Aruba
Un situacion cu por causa stress den e temporada aki ta e topiconan cu ta nobo pa tur hende , e tin un efecto hopi pisa pa esnan cu ta implemente y esunan cu tin cu cumpli cune.
- Isolacion
- Cuarentena
- Shelter in Place
- Toque de Queda
Mester pone bon atencion ora Gobierno di Aruba splica kiko e ta spera di comunidad pa cada un di e puntonan aki.
Loke ta importante ta cada un di e puntonan aki ta pone un extra stress riba e ser humano paso nos ta wordo prohibi di haci algo cu normalmente nos por haci.
Como Cruz Cora Aruba nos kier duna algun punto cu ta yudabo handle e situacionan aki na un manera mas positivo.
- Mantene rutina y keda activo.
- Ta importante pa tin un schedule balansa cu trabou y tempo di descanso. Tambe pone ehercisio fisico y mental den bo rutina , manera ehercisio paden di cas y tambe lesa buki skirbi carta y asta wak comedia y cartoons na television!
- Mantene un lifestyle saludabel
- Mantene hygiena personal , come saludabel y tuma medicamentonan na ora.
- Mantene bo mes informa di e situacion
- Lesa y scucha informacion di canalnan oficial p.e. ( Gobierno di Aruba , CDC, WHO), evita informacion riba rednan social cu hopi biaha ta falso y na demasiado cantidad y ta trece stress no nesecario.
- Informa y sostene gruponan vulnerabel
- Informa e gruponan vulnerabel manera nos grandinan, muchanan y hendenan cu un deficiencia, bisa nan e situacion real , pero den un forma cu nan por compronde. Otro cos cu bo por haci ta por ehempel ora di bai supermercado por cumpra pa nan tambe pa asina evita cu nan ta bai riba caya.
- Papia cu hende cu bo ta confia
- Ta di suma importancia pa reconoce bo sentimientonan y con bo ta sinti. Comparti e sentimientonan aki cu personanan cu bo ta confia, nan tambe ta pasando den situacion similar. E ta normal pa tin miedo , stress…… pero e mester keda controla , si bo tin esakinan pa un periodo mucho largo mester busca ayudo professional.
- Traha un plan
- Traha un plan kiko y con abo y bo famia lo deal cu e situacion. Plan por inclui lista di loke mester cumpra. Traha lista di medicamentonan cu bo mester ,ken y ki ora lo cumpra.
E plan aki ta duna nos e sentimento di ta den control, y na cualkier momento cu nos pega nos ta bai bek na nos plan.
- Usa metodo nan pa controla stress
- Cada persona tin un metodo pa deal cu stress , por ehempel scucha musica, medita, yoga , core , actividad fisico , lesa un buki etc . Usa e oportunidad aki pa bo mes descubri cua ta e metodo mas apropia pabo.
- No na alcohol y droga
- Mal uso di alcohol of droga nunca ta trece solucion pa bo problemanan.
Lo mas importante ta maneha bo emocionan den un manera saludabel. Puntra pa ayudo si bo ta sinti necesario. Si bo ta sinti cu e situacion ta demasiado pa bo, semper contact un professional pa dunabo conseho y guiabo.
![Cruz Cora Aruba Cu Tips Pa Por Sobrepasa E Temporada Dificil 155 10032020 Coping With Stress During The 2019 Ncov Outbreak A4 Size 01](https://www.earubianonews.com/wp-content/uploads/2020/04/10032020-Coping-with-stress-during-the-2019-nCoV-outbreak-A4-size-01-424x600.jpg)