ORANJESTAD,Aruba
Parlamentario Endy Croes a splika den placa chiquito riba e tema di CITGO. Berdad diabierna ultimo a drenta Parlamento e ley Termination Agreement unda Parlamento lo mester duna un apoderacion “machtiging” na gobierno tanto na Minister Presidente, Minsiter di Financia, Minister di Infrastructura pa den nomber di Aruba legalmente nan por firma e Termination Agreement.
A escohe pa Termination Agreement y no Umbrella Dispute Settlement Agreement:
Den e contracto firma pa AVP 10 di Juni 2016 jama e Definitive Participation Agreement” tin un clausula pa momento si tin un desacuerdo y un partido lo ta kibrando contract por apela e Umbrella Despute Settlement Agreement. Esaki sinembargo ta un caminda dificil, hopi largo y costoso pa cana. E procedura aki lo mester bay arbitrahe cual por dura 5 aña y mientrastanto ningun partido por hasi nada. Tambe CITGO a apela riba un parti den e contract cu AVP a firma cual ta para bou Forsa Majuer. Den un caso asina CITGO por walk away sin tin nodo di paga nada. Segun CITGO embargonan riba Venezuela ta cay akibou. Pues escogiendo e caminda ey no ta duna Aruba ningun garantia pa sali gana.
Garantia 150 miyon US Dollar duna pa PDV Holding:
Ningun momento Aruba ta regalando CITGO 340 miyon florin manera Mike de Meza y Marlon Sneek a pretende na inicio di siman. PVD Holding a para garantia desde cu e contract a bin na vigor. Supongamos cu kibra e contract of e contracto a cana su 15 aña y a jega na final manera stipula den e contract. Na e momentonan ey gobierno di Aruba tin 12 luna pa dicidi si Aruba kier desmantela. Si gobierno dicidi dentro di 12 luna cu lo desmantela anto CITGO ta esun responsabel pa desmantela na un maximo di 150 miyon dollar. Pa esaki e garantia aki ta y ningun momento ni si Aruba bringa den arbitrahe internacional y gana no kiermeen cu Aruba lo cobra 150 miyon us dollar cash. Aruba ( RDA) lo gana e derecho pa obliga CITGO pa desmantela. Laga esaki ta bon kla. Parlamentario Endy Croes ta pidi pa no hunga cu sentimiento di pueblo na e momentonan dificil aki.
PDV Holding no tin plaka:
Supongamos cu den 5 aña Aruba cana e caminda pa brinda CITGO den corte ( arbitrahe internacional) y berdad Aruba gana e derecho pa exigi CITGO desdmantela. CITGO no tin plaka y lo acudi serca e Mama PDV Holding cu a firma pa e garantia. Desde cu OFAC ( USA) a pone embargo esta sancion riba CITGO nan a splika cu ningun no tin plaka pa continua esta PDV Holding tampoko. Pues e ora mester bay na un otro jui di PDVSA esta CPC cu ta Citgo Petrpluem Corporation establesi directamente na merca kendenan si lo tin cash. Recientemente tin un lista largo di companianan a claim serca e compania aki pues Aruba lo bay riba un lista largo di espera pa mira ki aña CPC lo come across pa duna CITGO ( PDV Holding ) 150 miyon pa desmantela unda posiblemente 10 aña lo por transcuri. Pesey No por kere e storia di 340 miyon florin cu opositornan cu a firma e contract malo aki kier bende pueblo awe atno den crisis.
LV AB 2016 no 50 di 29 September 2016 AVP a exhonera Valero y CITGO
Den e ley Landsverordering AB 2016 no 50, AVP e tempo aya a apodera Ministernan pa firma y exhonera Valero di tur claim riba entre otro medio ambiente y contaminacion di tereno. Artikel 5 y 6 di e ley aki ta papia super kla. Den e ley nobo y Definitive Participation Agreement CITGO lo para responsabel solamente di dañonan causa desde October 2016 te na momento cu e contracto termina. Pues ban stop e politica barata na e m,omento cu menos e ta contruibi na pais Aruba.
Termination Agreement: Tin dos componente importante
Componente uno ta garantia di 150 miyon dollar y componente dos ta estudio riba medio ambiente y posibel contaminacion riba e tereno. Promer componente canando e caminda aki ta pa exhonera CITGO di e 150 miyon dollar cual a wordo splika amplio mas ariba. Di dos componente ta estudio riba medio ambiente. A firma un acuerdo mutuo cu lo laga un compania externo hasi un “base line study” ( nulmeting) desde cu Citgo a drenta October 2016 pa maart 2020. E Tereno y e parti cu Citgo lo por a contamina den e periode specifico aki ( as per contract) lo wordo exhonera y calcula maximo na 25 miyon. Realidad puro ta cu Citgo no a opera mes y daño na e tereno desde cu nan subi eyriba ta minimal.
CITGO alaves ta distancia di tur su derechonan legal pa cualkier posibel claim contra Pais Aruba.
Aruba lo por move ON:
Logrando e apoderacion aki Ministernan por firma e Termination Agreement sin cu enrealidad e ta costa Aruba of stroba Aruba di ricibi un plaka manera ta wordo insinua. Actualmente nos ta den crisis y Aruba ta sondeando banda di Turismo otro pilarnan. Prijs di crude a baha recien te rond di $ 20 y tin scarcedad mundial pa storage ( tankinan) almomento. Ta un oportunidad cu den algun luna nos dilanti jega na “bon” acuerdo cu operadornan responsabel pa renoba e terminal y pone esaki den uso optimal cual lo genera empleo y plaka pa pais Aruba mientras lo sondea sea ideanan nobo of posibel operador pa e refeneria. Di e manera aki Gobierno por move ON serando e capitulo scur di Citgo habriendo oportunidadnan nobo pa Aruba. Parlamentario Endy Croes ta pidi oposicion pa para banda di Pais Aruba na e momentonan aki cu mas Bo pais mester di Bo.
![Parlamentario Endy Croes: Ta Pidi Avp Para Banda Di Pueblo Ningun Momento Ta Regala Citgo 340 Miyon 155 Image 3](https://www.earubianonews.com/wp-content/uploads/2020/04/Image-3-800x533.jpeg)