ORANJESTAD, Aruba
Ultimo fin di siman, Cruz Cora a logra duna ayudo na mas di 150 persona cu no tin un dak riba nan cabez. Y esaki tabata posibel cu e donacion di Amsterdam Manor Beach Resort. E team di cushina a registra como “Voluntario Special” pa Rode Kruis durante Covid-19 Crisis Relief y asina a suministra 160 cuminda y lo sigui haci esaki den e proximo simanan.
Si kier duna aporte di un manera of otro durante e temporada aki, por registra como voluntario special riba website: www.redcrossaruba.com
y indica di ki manera lo kier duna un man. Na momentonan aki, Cruz Cora su diferente teams ta trahando riba plan di accion pa e proximo simannan pa asina por tey pa esunan mas vulnerabel den comunidad.
CONTACTO CU NOS:
Por fabor tuma nota cu:
- Charity Bazaar ta sera te proximo aviso
- San Nicolas Branch ta sera te proximo aviso
- Cruz Cora Dakota ta sera pa publico, pero ta disponibel
na tel. 582-2219, 560 8359 via Whatsapp y tambe via e-mail: info@redcrossaruba.com
Departamento di Ayudo Social na cel. 568-8896 y socialassistance@redcrossaruba.com
![Cruz Cora Aruba: Hopi Agradeci Na Amsterdam Manor Pa E Sosten, Cu Asina Por Duna Un Man Den Comunidad 155 91355175 2933111263403179 3289648651827150848 O 1](https://www.earubianonews.com/wp-content/uploads/2020/04/91355175_2933111263403179_3289648651827150848_o-1-800x533.jpg)