KRALENDIJK, Bonaire
Kolegio Ehekutivo a saka un dekreto den su desishon di 24 di febrüari 2012 kual ta prohibí presensia di kachó na sierto playa di Boneiru. E dekreto aki a keda establesé pa evitá molèster i tambe pa protehá naturalesa.
Último añanan mas i mas hende ta bai kana ku nan kachó pa e hasi sushi den santu kantu di playa. Tin ora e kachó nan ta wòrdu tene na kadena, pero hopi biaha nan ta kana los. Pa evitá molèster, Kolegio Ehekutivo a saka un dekreto (d.d. 24.2.2012/nr. 2012003014) ku ta prohibí públiko kana ku kachó riba sierto playanan. Riba e playanan aki no tin mag di bin ku kachó, ni na kadena. E dekreto ta evitá tambe ku e kachónan ta koba i destruí nèshi di turtuga di laman òf drenta den un parti di e naturalesa ku ta wòrdu protehá.
Resientemente a laga pone bòrchi di prohibishon na diferente playa pa asina ta mas evidente kua ta e playanan ku ti e prohibishon aki. E prohibishon aki ta konta pa mayoria parti di e isla. Por ehèmpel tur parti di Cai i Sorobon. Tambe e tereno kompleto entre zoutpier i Willemstoren a wòrdu apuntá. Entre e tereno ariba menshoná ta situá e playa di mas popular di Witte Pan, Kiteboard Beach banda di kas di piskadó i Kabayé i Pelike banda di e kasnan turístiko di katibu.
Ainda ta posibel pa por ehèmpel saka un kachó den e terenonan grandi entre Punt Vierkant i zoutpier o entre di Willemstoren i Sorobon.
Kacho ta prohibí na e siguiente playanan (terenonan kantu laman):
- Playa lechi (Sunset beach);
- Playa lechi Suit (Malekon);
- Playa Chachacha;
- Playa pal’i mangel (lugá di sambuya Donkey beach);
- Playa forn’i kalki (lugá di sambuya Bachelor’s beach);
- For di Saliña (zoutpier) te Lacre Punt (Willemstoren);
- Sorobon i Cai;
- Pidra haltu / trapi (lugá pa sambuya Thousand steps);
- Tolo;
- Duikplaats Nukove;
- Klein Bonaire.
I tambe ta prohibí pa subi e tereno di Cargill Salt Company sin outorisashon.
