ORANJESTAD,Aruba
Parlamentario Endy Croes hopi precupa cu e situacion actual. Nos ta bringando na promer lugar pa nos salud. Un crisis cu a dal henter mundo. Actualmente lokual ta importante pa nos gana e bataya contra e virus aki.
Un contricante invisibel:
Un contricante cu nos no por ni mira tin mundo henter paralisa. Unico manera pa controla esaki ta pa KEDA BO CAS pa asina hunto nos STOP di PLAME! Kiko ta e signal cu nos Creador “Papa DIOS” a manda pa mundo henter no ta conosi? Kisas mundo a haña un “kinipi” pa nos refleciona y re-enfoca bek riba e humanidad? Tempo kisas lo splika nos esaki.
Un Aruba sin Turismo cu hotelnan bashi
Un Aruba pa promer biaha den historia para dilanti 2 reto grandi. Promer ta salud di e pueblo y di dos ta economia fragil di nos isla. Un Aruba cu hotelnan completamente bashi y sin turismo. Algo cu nunka nos a biba pensa di lo pasa aden. Laga nos siña di cada les y awor mas cu nunka nos mester ta fuerte pa hunto nos build up bek e isla despues di e crisis aki pero mester bira tambe mas innovativo pa crea otro tipo di entradanan cu nos no lo depende solamente di turismo den futuro cercano.
Standard & Poors Covid-19:
Dia 17 di Maart ultimo Standaard & Poors (S&P) a publica un rapport unda nan a duna rating basa riba risico di calculacionnan cu nan a hasi evaluando 122 pais. S&P a midi cual paisnan cu ta depende riba turismo nan economia lo ta mas vunerabel pa e crisis Covid 19 . S&P a mira hopi profuindo 4 aspecto. Pimeramente a midi con e shock di Turismo ta afecta GDP( Gross Domestic Product) di e pais. Aruba lamentablemente a sali Pais # 1 den 122 pais como esun mas vunerabel cu e impacto riba GDP di mas fuerte. Despues S&P a mira con e crisis aki Covid 19 ta afecta posicion financiero di cada gobierno. Aruba a bolbe sali # 1 den 122 pais lamenntablemente. S&P a analisa tambe e risico pa un deterioro den balansa di pago di cada pais. Aruba den esaki tambe a bolbe sali # 1 como e pais mas vunerabel. Finalmente a midi y analisa e peso di esaki y e vunerabilidad pa cu liquudez externo. Akinan Aruba a sali number # 3.
Parlamentario Endy Croes ta splika cu si Aruba no a presta 2000 miyon ultimo 8 aña nan di AVP y a maneha e pais aki na un manera responsabel awe Aruba lo por tabata mucho mas bon para y lo tabata tin manera di absorba e schok di Covid 19 na un mucho mihor manera. Pero ja nos no por mira atras mas y mester hasi lo corecto pa salba nos dushi isla.
Un Promer Minister “dedicated 24/7 pa Aruba:
Nos tin un Promer Minister “dedicated 24/7” hunto cu su elenco di Ministersnan y conseheronan proficional pa juda nos sali for di e crisis aki. Pa awor salud di nos pueblo ta na promer lugar. Parlamentario Endy Croes kier gradisi un y tur cu ta reuniendo 7 di pa siman aportando cu desicionnan grandi pa e pais aki. Alaves Parlamentario Croes kier manda un extra danki pa tur e doctornan y verlpeegsters y tur esnan den e field di salud cu ta trahando encansabel combatiendo e virus aki y atendiendo henter e pueblo. Mi ta hopi proud di bosonan tur y keremi cu pueblo den totalidad ta proud di boso. Hunto nos lo logra. Keep it up!
![Parlamentario Endy Croes: Aruba Brace For Impact! Rapport Di Standard &Amp; Poors Devastador Pa E Impacto Cu E Crisis Aki Lo Causa Aruba 155 Image 1](https://www.earubianonews.com/wp-content/uploads/2020/03/Image-1-800x533.jpeg)