Warda nos Costa Venezolano y Colombiano investigando yegada di curpanan sin bida na Punta Espada

ORANJESTAD, Aruba

Aruba ta un di e Paisnan gusta dor di e latinonan di Venezuela y Colombia. Hopi di nan ta sacrifica nan famia y bin pa un miho bida aki na Aruba, tin cu ta logra y tin cu no ta logra. Na e momentonan aki e temporada ta hopi mas dificil unda cu e coronavirus a causa cu mester a sera airopuertonan di diferente Pais rond mundo y Aruba tambe.
Fronteranan entre Venezuela y Colombia tambe ta sera ,sinembargo te ainda habitantenan di ambos Pais ta busca tur manera pa via lancha yega Aruba di un manera of otro. Awe Guarda nos Costa di Colombia e confima na mesa di redaccion di E Arubiano NEWS cu den e awanan Colombiano a yega tres curpa sin bida na Punta Espada. Mayan Warda nos Costa di Venezuela lo pasa busca e curpanan na Colombia mirando cu tin indicacion fuerte cu ta trata di e personan cu sali cu un lancha for di e bahia di Tiraya,Estado Falcon cu 32 persona direccion pa Aruba y nan no a logra yega. No ta descarta cu lo por yega mas curpa sin bida tera.