ORANJESTAD, Aruba
CEO di Aruba Hotel & Tourism Association, Tisa LaSorte, ta raporta cu mas di 80% di hotelnan a suspende operacion completamante y cera porta te proximo aviso.
Segun conteo di AHATA, tin un total di 156 turista den diferente hotel ainda na Aruba. Mayoria di e total aki lo sali for di Aruba awe nochi of mañan. E hotelnan cu tiki huesped kedando, ta sigui ofrece servicio minimal.
Durante e crisis di salubridad y economico tur hotel ta mantene un team di siguridad y un team minimo di mantencion pa tene e propiedad den bon condicion; cu meta pa por habri bek mas lihe posibel, dia turistanan cuminsa biaha bin Aruba atrobe.
![Ahata: Aruba Tin Un Total Di 156 Huesped Na Hotel Awe 155 Ahata Office Logo](https://www.earubianonews.com/wp-content/uploads/2020/03/AHATA-office-logo-800x533.jpg)