Departamento di Salud Publico ta pidi ATENCION pa lo siguiente.

ORANJESTAD, Aruba

Na tur e residentenan cu a bin di biahe den e 2 simannan cu a pasa. Ta pidi boso pa mantene boso mes den cuarentena. Esaki ta nifica cu boso mester mantene boso mes aisla of aleha for di otro personanan.

1. No sali for di boso cas
2. No bishita lugar publico
3. No haci bishita
4. No ricibi bishita

Personal di DVG ta tumando contacto telefonicamente cu boso uno pa uno. Nos ta pidi boso comprencion y colaboracion den e periodo di crisis cu nos ta confrontando.

Hunto nos tin pa lucha contra e transmision di Corona virus.