ORANJESTAD,Aruba
Departamento di Asuntonan di Telecomunicacion (DTZ) ta informa na tur su clientenan cu,
pa contribui na salubridad publico y minimalisa e risico di contaminacion di COVID-19, nos
instalacionnan lo ta cera pa atende publico for di dialuna 16 di maart 2020 y te cu proximo
aviso. No obstante e servicio lo continua den un forma digital for di dia 17 di maart 2020.
Tur cliente cu mester un stempel di aprobacion pa por importa ekiponan di telecomunicacion
na Aruba mester:
Yena un formulario di DTZ completo (APPLICATION FORM IMPORT OF
TELECOMMUNICATION EQUIPMENT);
Scan e formulario y attach e facturanan y otro documentonan necesario pa permiso di
importacion;
Manda e facturanan y documentonan necesario hunto cu e formulario di DTZ na e
siguiente e-mail adres: dirtelza@dtz.aw y un copia na: iz@dtz.aw;
DTZ lo revisa e documentonan y stempel e formulario di DTZ;
Lo ricibi e documentonan bek via e-mailnan menciona riba e formulario di DTZ.
Por download e formulario via nos website www.dtz.aw, of por haci uzo di e siguiente link:
http://www.dtz.aw/formulieren.
![Dtz Ta Anuncia Su Maneho Durante E Siguiente Simannan Cu Lo Ta Cera Pa Publico 155 Gobierno 2](https://www.earubianonews.com/wp-content/uploads/2020/03/Gobierno-2-600x600.jpg)