ORANJESTAD,Aruba
ORANJESTAD – Directie Voogdijraad ta informa cu en conexion cu e anuncio di Gobierno di
Aruba referente COVID-19 (Corona Virus) a activa e tercer fase di contingencia di nos protocol
pa atende cu esaki.
Directie Voogdijraad lo ta cera pa publico entrante 16 te cu 31 maart 2020. Dependiendo di
evaluacion despues di dia 31 maart 2020, nos lo informa pueblo di Aruba debidamente.
Nos servicio di cashier lo ta cera pa e siman di 16 te cu 20 maart 2020 y lo evalua despues di
esaki si lo habri algun dia pa por haci pago di alimentatie. Nos ta urgi tur persona cu ta paga
alimentatie pa haci esaki via nos cuentanan bancario di Aruba Bank 221501.0 of RBC Bank
31.47.878 y duna e alimentatienummer como referencia.
Pa cualkier pregunta/informacion/preocupacion por tuma contacto cu nos na telefon 582-1262 of
por manda un e-mail na directie.voogdijraad@aruba.gov.aw y nos lo tuma contact cu bo
persona mas pronto cu ta posibel.
Den momentonan di situacion di peliger agudo (acute) pa cu menornan, Voogdijraad lo wordo
contacta door di Polis.
Nos lo keda monitor e situacion y lo informa debidamente segun e desaroyo.
Nos ta pidi nos disculpa pa e inconveniencia cu esaki por causa. Por ultimo nos ta enfatisa e
responsabilidad individual di un y tur pa preveni Corona Virus door di sigui e consehonan di
Gobierno di Aruba hunto cu DVG
![Directie Voogdijraad Lo Ta Cera Pa Publico Entrante 16 Te Cu 31 Maart 2020 155 7L3Pojzhhy12Lcmkfm2R Gevelvooggdijraad](https://www.earubianonews.com/wp-content/uploads/2020/03/7l3pojzhhy12lcmkfm2r-gevelvooggdijraad-800x450.jpg)