ORANJESTAD, Aruba
Departamento Arubiana ta pidi pueblo pa yuda identifica ken ta riba e potretnan di e conocido fotografo Venancio Francisco (Chonay) Boekhoudt, cu tabatin su studio na Playa: http://bna.aw/digital/chonay. E potretnan a wordo saca prome cu e di dos guera mundial (+/- 1935-1940) y ta saca riba glas, un material hopi fragil. Na dept. Arubiana nan no sa hopi di e hendenan riba e potretnan aki. E potretnan ta duna un bista unico y ta hiba nos mas cu 80 aña bek den historia. Ken por yuda identifica e personanan den e coleccion di potret unico aki? Pues sigui e link http://bna.aw/digital/chonay y si bo ta reconoce un persona por fabor manda un email pa p.scholing@bibliotecanacional.aw. Esaki ta e prome accion di “crowdsourcing” en conexion cu coleccionnan historico.
![Bo Por Identifica E Personanan Aki? 155 Chonay](https://www.earubianonews.com/wp-content/uploads/2020/03/chonay.png)
![Bo Por Identifica E Personanan Aki? 156 Chonay2](https://www.earubianonews.com/wp-content/uploads/2020/03/chonay2.png)
![Bo Por Identifica E Personanan Aki? 157 Chonay Glasnegatief](https://www.earubianonews.com/wp-content/uploads/2020/03/chonay-glasnegatief-450x600.jpg)