ORANJESTAD, Aruba
Asociadonan na La Cabana Beach Resort & Casino a wordo bon bini na e reunion general di e prome kwartaal, organisa por medio di Eagle Team, bao di e slogan: Innovacion, cambio ta e unico constante.
E reunion su tema tabata rond di innovacion y aprecio, dividiendo e programa den dos, e prome parti
subrayando e principionan strategico di e prome kwartaal cu Joe Najjar, General Manager, y e segundo dedica na e reconocemento di e resort su top empleadonan den 2019.
Mientras cu e tema di innovacion a keda introduci, e plan pa update y transforma a wordo elabora na tur departamento di e resort.
La Cabana Beach Resort & Casino a set un meta pa atrae doñonan nobo, ofreciendo y mehorando e producto di vacacion, aliviando La Cabana su cultura di trabao, cu exito grandi den e Medallia scores, cual ta midi experiencia di e cliente, y hisando esakinan un tiki.
Otro innovacionnan cu a wordo adopta, ta un beleid den eficiencia di energia y engrandecemento den tur material alternativo di energia incluyendo golf carts carga cu energia solar. E resort tambe a resolve na mehora su promocion riba su website y social media, y haci un transicion di hopi servicionan online incluyendo e creacion di un resort app, e introduccion di un touchscreen bulletin board, mas computer pa departamento di housekeeping, y mucho mas.
E presentacion a conclui cu un quiz revisando tur material discuti, cual a refleha cu La Cabana su empleadonan ta realmente pone atencion, cu hopi gana pa progresa den e temponan aki, renoba y innova.
Innovacion, tabata e balor number 5, introduci por medio di e General Assembly siguiendo esunnan prome. “Nos ta introduciendo un balor pa cada general assembly, Najjar ta bisa, y durante tempo adoptando aprecio, integridad, flexibilidad, excelencia, y innovacion, cu hopi mas pa bini den futuro, den nos di dos kwartaal di general assembly.”
Mientras cu asociadonan tabata drentando e camber na unda cu e reunion tabata tumando lugar nan a pasa door di un ‘Tunnel of Innovation’ na unda nan por a experiencia e resort 30 aña pasa, y su progreso te cu awor. E departamento di recurso humano a mustra potretnan bieu y mementos, cual ta describi e resort su trayectorio innovativo durante e ultimo añanan. Cu asina hopi cambio, e ta continuamente sigui innova y evoluciona.
E reunion general di associadonan a termina cu tocamento di brass band hibando e associadonan pafo na e pool deck pa La Cabana Beach Resort & Casino su eleccion di Reina anual.
