ORANJESTAD, Aruba
Durante un evento special Directiva y Miembronan di Aruba One Happy Island Lions Club cu sumo placer a yama bon bini na Sra. Clarette Angeline Quandus. Fellow Lion Clarette Quandus a wordo instala pa Presidente Fellow Lion Junior Arends, cual por cierto ta e sponsoring Lions. PDG Fellow Lion Doris Lacle de Eugenio a asisti durante e ceremonia di instalacion.
Fellow Lion Clarette Quandus ta un funcionario publico y tin talentonan artisto como poeta y escritora di diferente buki. Ta un miembro di Lions Club ta un previlegio mirando cu bo ta forma parti e organisacion di clubnan di servicio activo mas grandi na mundo, un grupo di mas di 1.4 miyon homber y muhernan di mas di 48 mil clubnan den 200 paisnan y areanan geografico rond mundo, cual ta dedica na haci un diferencia. Como miembro di nos organisacion, Fl. Clarette Quandus lo yuda nos club yega na esnan den necesidad den nos comunidad, experencia y biba e bunita di haci trabao boluntario. Ademas e ta e oportunidad pa perfecciona liderazgo, comunicacion y abilidadnan organisatorio. Como miembro di Lions Club bo lo por desaroya amistadnan cu ta dura pa bida largo, conoce Lionnan di otro skinanan di mundo y contribui cu ideanan cu lo yuda contribui na e necesidadnan di nos comunidad.
Aruba One Happy Island Lions Club a wordo funda dia 16 di juni 2017. Ya pa casi 3 aña caba a bin ta sirbi esnan den necesidad den nos comunidad di Aruba, cu proyectonan manera e.o. Adoptacion di Plastic Beach, Aruba Reef Care Beach Clean-up. Tambe proyectonan comunitario manera Yuda y trece Alegria na nos grandinan den Cas di Anciano, Concientiza nos muchanan y comunidad riba e malesa di Diabetes, Actividad pa Nos Personal Special, Campaña Promocion pa un Trafico Sigur, Aruba Doet, Blood Donor Drive, Charlanan Publico riba Concientizacion. Aruba One Happy Island Lions Club ta comprometi pa haci e trabaonan di servicio incomparabel di Lions Club International na nos comunidad.Un biaha mas pabien na Fellow Lion Clarette Quandus, bon bini y hopi exito como miembro di Aruba One Happy Island Lions Club. Despues a sigui un rato ameno cu animacion sorpresa di Massive Brassband. Un danki na The Chapel Restaurant pa e bon servicio.
![&Quot;Clarette Quandus Instala Como Miembro Di Aruba One Happy Island Lions Club&Quot; 155 3E6A8731](https://earubianonews.com/wp-content/uploads/2020/02/3E6A8731-800x533.jpg)
![&Quot;Clarette Quandus Instala Como Miembro Di Aruba One Happy Island Lions Club&Quot; 156 3E6A8734](https://earubianonews.com/wp-content/uploads/2020/02/3E6A8734-800x533.jpg)
![&Quot;Clarette Quandus Instala Como Miembro Di Aruba One Happy Island Lions Club&Quot; 157 3E6A8751 1](https://earubianonews.com/wp-content/uploads/2020/02/3E6A8751-1-800x533.jpg)
![&Quot;Clarette Quandus Instala Como Miembro Di Aruba One Happy Island Lions Club&Quot; 158 3E6A8763](https://earubianonews.com/wp-content/uploads/2020/02/3E6A8763-800x455.jpg)