ORANJESTAD,Aruba
Colegio San Hose ta den aña di celebracion. Nos ta celebra e aña aki nan 80 aña di existencia di nos scol.
Comash, cu ta Comishon di mayor, hunto cu Colegio San Hose ta organiza un 5K Fun Run Walk. Esaki lo tuma lugar diasabra
dia 29 Februari 2020. E caminata lo cuminsa y caba na Sport Boys.
Registracion ta cuminsa 4.30 pm y nos ta sali cana 5.30 pm.
Meta di e caminata e aña aki ta pa recauda fondo pa nos tin fondo pa haci actividad social pa nos muchanan y tambe e ta un actividad cu ta parti di e celebrashon di 80 aña. Tambe afl 1 di cada ticket cu nos bende ta bai pa sostene Cacique Macuarima School.
Ticket ta solamenta afl 5 y ta obtenibel cerca tur mayor di e alumnonan na nos scol y tambe serca tur docente. Danki na nos comerciantenan cu semper ta kla pa yuda nos, e aña aki nos ta bai tin tremendo premio pa rifa na final di e caminata. Entre otro Cellphone, Breakfast pa dos persona, Bonne di gasoline, Gift Bonne, Tickets pa Palm Island, Tickets pa Palm Pleasure, Stress Test, Bonne di Supermarket. Mester remarca cu mester pasa registra bo ticket dia 29 di februari na Sportboys pa por ta den e tombola pa tin chens pa gana.
Nos kier gradici di curason tur comerciante cu a yuda nos cu premio, Danki na Setar, Hilton Aruba Caribbean Resort, Wayaca Service Station, Trash by Ronchi, De Palm Tours, Aruba Marriott Resort, Quality Chiropractic Clinic, Don Pastechi, Superfood.
Pueblo di Aruba cumpra bo ticket pa solamente afl 5 y aporta na nos scol y nos muchanan. Nos ta warda boso pa bin cana hunto cu nos diasabra dia 29 di Februari.
