ORANJESTAD,Aruba
Awe den oranan di merdia Corte a trata den forma Pro Forma caso penal contra cuatro persona relativamente hoben, acusa di ta envolvi den diferente caso di atraco. Por corda cu den e ultimo lunanan di 2019 tabatin un periodo cu den un siman tabatin diferente atraco a tuma luga, principalmente pariba di brug. E cuatro hobennan aki a yega di haya nan mes envolvi cu husticia caba y un di nan sigur, ora cu e tabata menor di edad y a haya un chens. Pero ta parce cu e no a siña su les. E caso aki a bini dilanti den oranan di merdia, pero pa motibo di algun detaye cu falta a pospone e tratamento te cu dia 3 di april pa 8.30 di mainta. E acusacionnan ta mustra cu nan a “bishita” 6 supermercado cu arma pa obliga e propietarionan entrega nan placa of otro materialnan di balor. E acusadonan ta Ty-Rique P; Alfonso B; Nahson S y Shepartd F.Y e acusacionnan ta: cu P. y S. y F. ta wordo acusa di ladronicia cu violencia di un suma di placa y/of carchinan di telefon y/of boternan di bebida di un supermercado na Cura Cabay riba 12 di september 2019. E violencia a encera cu a drenta e establecimento cu cara tapa y arma di candela den man y a grita:“Atraco, atraco!” y cu a punta e arma riba cabes di e cahero y a pidie pa habri e caha.P. y S. y F. ta wordo acusa di posesion di un arma di candela riba 12 di september 2019.P. y B. y F. ta wordo acusa di ladronicia cu violencia di un suma di placa di un supermercado riba 18 di september 2019. E violencia a encera cu a drenta cu cara tapa y arma di candela den man y a grita e palabranan:“Atraco, atraco!” y cu a punta un arma di candela zilver y/of un arma largo den direccion di curpa di un persona y a exigi pa habri e caha.P. y B. y F. ta wordo acusa di posesion di un arma di candela zilver y un arma largo riba 18 di september 2019.P. y B. y F. ta wordo acusa di ladronicia cu violencia di un suma di placa y/of un boter di bebida y/of carchinan di telefon di un supermercado riba 18 di september 2019. E violencia a encera cu a drenta cu cara tapa y arma di candela den man y a grita e palabranan:“Atraco, atraco!” y “No wak nos” y a saca un arma di candela zilver pa un persona.P. y B. y F. ta wordo acusa di posesion di un arma di candela color zilver riba 18 di september 2019.P. y B. y S. ta wordo acusa di ladronicia cu violencia di un suma di placa y/of boternan di bebida y/of cigaria di un bar riba 22 di september 2019. E violencia tabata dirigi contra dos persona y a encera cu a drenta cu cara tapa y arma di candela den man y a grita e palabranan:“Where is the money!” y cu a punta un arma di candela riba un persona y a dal e na su cabes y a scop e varios biaha na su cabes y curpa y cu a pusha e di dos persona y a punta un arma di candela riba dje tambe.P. y B. ta wordo acusa di posesion di un arma di candela color zilver y un arma largo riba 22 di september 2019.P., conhuntamente cu otronan of un otro, ta wordo acusa di ladronicia cu violencia di un suma di placa y/of boternan di bebida y/of sigaria y/of un potmoni y/of un telefon di un bar/restaurant riba 3 di october 2019. E violencia tabata dirigi contra cuatro persona y a encera cu a drenta cu cara tapa y arma di candela den man y cu a pone e arma zilver na cabez di un persona y a push’e cu forsa, cu a punta e arma zilver riba curpa di e di dos persona y a bis’e e palabranan:“Nami placa, nami placa”, y cu a punta e arma largo riba e di tres persona y a grit’e e palabranan:“Give me everything you have, n*****. I will shoot you. Don’t talk”, y cu a punta e arma largo riba e di cuatro persona y a bise: “Keda keto, duna mi bo telefon”.P. ta wordo acusa di posesion di un arma di candela color zilver y e scopet riba 3 di october 2019.P. y B. ta wordo acusa di ladronicia cu violencia di un suma di placa y/of sigaria di un supermercado riba 4 di october 2019. E violencia tabata dirigi contra dos persona y a encera cu a drenta cu cara tapa y arma di candela den man y cu a pone e arma zilver na cabes di un persona y a push’e cu forza y a bise e palabranan: “Keda keto of mi ta tira bo”, y cu a punta e arma zilver riba e di dos persona y a grit’e e palabranan: “Bay abao, bay abao”.P. y B. ta wordo acusa di posesion di un arma di candela color zilver y e scopet riba 4 di october 2019.
