ORANJESTAD,Aruba
Por a mira cu Aruba completo a celebra y bini hunto pa loke ta trata Dia di Betico, unda cu ta recorda un persona cu siguramente ta representa hopi pa nos isla.
Parlamentario Michael Lampe di AVP tabata tey presente durante e ceremonia protocolar na Plaza Betico Croes pa loke ta Dia di Betico.
Un celebracion bunita cu bunita presentacion, duna pa diferente grupo, muchanan cu a haci tremendo durante e cantoacompaña pa musiconan local. Detaye cu ta parti di e ceremonia segun Lampe, y di importante ta pa nos recorda tur esnan cu a hiba e lucha pa nos Status Aparte. Tur esnan prome cu nos, cu a sa di traha y uni pa Aruba, un union cu ta mas grandi cu partidonan politico. Un union cu ta mas grandi cu creencia, un union cu ta mas grandi cu rasa, y di unda bo ta bin.
Ora bo uni bou di e dak di bo cas, cu ta nos Aruba, esaki ta un dia cu por para keto y refleha cu nos mester ta mas grandi cu djis politica. Aki ta papia di un union caminda kier duna e memoria y grandesa, y pas’e gradecido na tur esnan cu a lucha pa nos Aruba.
Hunto cu tur e firmantenan, na tur politico, na tur esnan cu prome cu nos, a sa di hiba un vision fuerte pa awe asina nos generacion y generacionnan cu ta bin, por ta biba den e constelacion di nos isla, por ta biba den e sistema cu nos tin awe di Status Aparte, cu ta duna cu nos di tin e libertad cu nos por tuma diferente decisionnan riba nos mes, asina yuda Aruba progresa den union caminda cu nos tur ta trece hunto.
![Parlamentario Michael Lampe (Avp): Ta Importante Pa Nos Recorda Tur Esnan Cu A Lucha 155 Img 8575 1 1600X1200 1](https://earubianonews.com/wp-content/uploads/2020/01/IMG_8575-1-1600x1200-1-800x534.jpg)
![Parlamentario Michael Lampe (Avp): Ta Importante Pa Nos Recorda Tur Esnan Cu A Lucha 156 Img 8723 1600X1200 1](https://earubianonews.com/wp-content/uploads/2020/01/IMG_8723-1600x1200-1-400x600.jpg)
![Parlamentario Michael Lampe (Avp): Ta Importante Pa Nos Recorda Tur Esnan Cu A Lucha 157 Img 8724 1600X1200 1](https://earubianonews.com/wp-content/uploads/2020/01/IMG_8724-1600x1200-1-800x534.jpg)
![Parlamentario Michael Lampe (Avp): Ta Importante Pa Nos Recorda Tur Esnan Cu A Lucha 158 Img 8761 1600X1200 1](https://earubianonews.com/wp-content/uploads/2020/01/IMG_8761-1600x1200-1-800x534.jpg)
![Parlamentario Michael Lampe (Avp): Ta Importante Pa Nos Recorda Tur Esnan Cu A Lucha 159 Img 8766 1600X1200 1](https://earubianonews.com/wp-content/uploads/2020/01/IMG_8766-1600x1200-1-800x534.jpg)