Kralendijk,Bonaire
Djaluna den oranan di mainta embahador di India sr. Venu Rajamony stashoná na Den Haag Hulanda a realisá un bishita di kortesia serka gezaghebber Edison Rijna. E embahador tabata kompañá pa su sekretaria sra. Mrinalini Kaur Sapra i tambe sr. Manish Khushalani di Boneiru. Durante e bishita a elaborá riba e desaroyo aktual na Boneiru i posibel lasonan direkto ku pais India. Embahador Venu Rajamony pa muestra di apresio a entregá gezaghebber un asina yamá ‘coffee table book’ ku e embahador mes a produsí, titulá ‘India and the Netherlands – Past, Present & Future’. Gezaghebber na su turno a pen e embahador komo amigu di Boneiru ku eskudo di Boneiru i mesora a duna splikashon tokante nifikashon di e eskudo. Banda di e pen gezaghebber a entregá tambe e albùm di ‘Bonaire Point to Point’ ku paisahenan di Boneiru na sr. Venu Rajamony.
![Embahador Di India Di Bishita Serka Gezaghebber Edison Rijna 155 3A](https://earubianonews.com/wp-content/uploads/2020/01/3a-800x583.jpg)
![Embahador Di India Di Bishita Serka Gezaghebber Edison Rijna 156 4 5](https://earubianonews.com/wp-content/uploads/2020/01/4-5-800x534.jpg)
![Embahador Di India Di Bishita Serka Gezaghebber Edison Rijna 157 5 5](https://earubianonews.com/wp-content/uploads/2020/01/5-5-800x584.jpg)
![Embahador Di India Di Bishita Serka Gezaghebber Edison Rijna 158 6 4](https://earubianonews.com/wp-content/uploads/2020/01/6-4-800x337.jpg)