ORANJESTAD,Aruba
Maneho di deporte di minister Dangui Oduber ta dirigi ariba mehoracion di infrastructura di deporte, stimula participacion activo di comunidad na deporte, percura pa tin iluminacion y tambe articial turf na clubnan.
E siman aki SV Bubali Noord – Aruba a presenta nan masterplan na minister Dangui Oduber. Esaki ta un tremendo proyecto especialmente pa Noord y vecinadario. Minister Dangui Oduber ta apoya e proyecto aki totalmente y hunto cu sector priva lo bai yuda realiza esaki tambe.
E masterplan di Bubali ta ensera veld di futbol cu artificial turf, veld di softbal y tambe un mini veld di futbol cu turf. Banda di esaki nan lo instala poste di luz nobo y amplia nan clubhuis.
Como minister nos a percura pa nan ricibi un suma substancial pa kickoff e bunita proyecto aki. Conforme nos maneho Bubali lo ta e promer veld pa haya artificial turf.
![Sv Bubali A Presenta Nan Masterplan Na Minister Dangui Oduber 155 Whatsapp Image 2020 01 10 At 07.39.08](https://earubianonews.com/wp-content/uploads/2020/01/WhatsApp-Image-2020-01-10-at-07.39.08-800x533.jpeg)
![Sv Bubali A Presenta Nan Masterplan Na Minister Dangui Oduber 156 Whatsapp Image 2020 01 10 At 07.39.10](https://earubianonews.com/wp-content/uploads/2020/01/WhatsApp-Image-2020-01-10-at-07.39.10-800x533.jpeg)
![Sv Bubali A Presenta Nan Masterplan Na Minister Dangui Oduber 157 Whatsapp Image 2020 01 10 At 07.39.101](https://earubianonews.com/wp-content/uploads/2020/01/WhatsApp-Image-2020-01-10-at-07.39.101-450x600.jpeg)