ORANJESTAD,Aruba
Aruba Hotel & Tourism Association (AHATA) hunto cu su miembro hotel Barceló Aruba a organisa pa di tres biaha un evento caritativo p’e muchanan di Casa Cuna y e biaha aki a invita e yiunan di huesped di e hotel pa forma parti di e evento aki.
Barceló Aruba ta organisa e actividadnan aki pa duna bek na comunidad y a scoge Casa Cuna. Un total di 14 mucha di Casa Cuna tabata presente y a pasa un atardi inolvidabel.
Pa e muchanan di Casa Cuna esaki tabata un momento yen di alegria, unda a come y hunga cu e empleadonan di hotel y muchanan kedando na hotel. AHATA a haci un donacion di regalonan pa e muchanan di Casa Cuna y Barceló Aruba a patrocina e snacks, show y decoracion.
AHATA ta gradici Barceló Aruba pa a habri nan porta pa haci e evento aki posibel. Gerencia di Barceló Aruba ta contento cu un biaha mas a colabora cu AHATA apoya un organsacion caritativo den comunidad.
![Ahata Y Barceló Aruba A Organisa Un Evento Caritativo Pa Muchanan Di Casa Cuna 155 Ahata Casa Cuna 1](https://earubianonews.com/wp-content/uploads/2020/01/AHATA-Casa-Cuna-1-450x600.jpg)
![Ahata Y Barceló Aruba A Organisa Un Evento Caritativo Pa Muchanan Di Casa Cuna 156 1 4](https://earubianonews.com/wp-content/uploads/2020/01/1-4.jpg)
![Ahata Y Barceló Aruba A Organisa Un Evento Caritativo Pa Muchanan Di Casa Cuna 157 2 2](https://earubianonews.com/wp-content/uploads/2020/01/2-2.jpg)
![Ahata Y Barceló Aruba A Organisa Un Evento Caritativo Pa Muchanan Di Casa Cuna 158 4 3](https://earubianonews.com/wp-content/uploads/2020/01/4-3.jpg)
![Ahata Y Barceló Aruba A Organisa Un Evento Caritativo Pa Muchanan Di Casa Cuna 159 5 2](https://earubianonews.com/wp-content/uploads/2020/01/5-2.jpg)
![Ahata Y Barceló Aruba A Organisa Un Evento Caritativo Pa Muchanan Di Casa Cuna 160 6 1](https://earubianonews.com/wp-content/uploads/2020/01/6-1.jpg)