A DRENTA CAS COBA TUR CAMINDA BUSCANDO PRUEBA NA JUNI 2020 CU 8 ACUSACION Y AWE NO A KEDA NI UN DI NAN !!!!
“Ta parce cu Ministerio Publico no kier perde cara, pero aki no ta trata di perde cara sino di ser husto”, asina Otmar Oduber ex-minister a duna di conoce e siman aki. Ta bai caba pa mas cu 3 aña cu un persecucion feroz a inicia contra mi persona culpando mi persona di 7 diferente cargo a base di redo y shisheria na polis. Y esaki a keda proba tambe na momento cu a laga tur e acusacionan aki cai paso simplemente e investigacion a mustra cu nada tawata berdad pero si a desgracia y malogra e bida di un persona cu a sirbi su Pais cu tur honor pa mas di 23 aña. Despues cu a investiga y a ripara cu no tin nada di berdad den e acusacionan inicial, awo Ministerio Publico a bai colga na un denuncia falso di Marisol Tromp. Un denuncia cu a drenta despues cu e investigacion di Flamingo a inicia y cu a worde haci pa Marisol despues cu a kita confianza den su persona na Juni 2020 y a cuminza e proceso di bahe como minister. Puro revancha y nada mas. Awe Ministerio Publico ta presta su mes pa worde uza pa politiek stinki di Marisol. Tristo pa un instituto cu supose di ta integro y respeta, ta presta su mes awe pa worde manipula politicamente pa un mente sushi manera esun di Marisol. Despues cu a entrega un denuncia contra Marisol pa e acusacionan falso aki, awo Ministerio Publico kier bai inventa algun caso pa hustifica nan fayo. “Danki Dios cu semper mi a hiba un maneho transparente y habri, y awe full mangement di DIP por testigua esaki tambe”, señor Oduber a finaliza bisando.
