Recientemente a tuma lugar un ceremonia chikito na Centro di
Husticia Santa Cruz. Famia y coleganan a bini hunto pa e ocasion special aki. Den
presencia di Sra. Irma Gordon altocomisario suplente di Polis a hiba palabra y
gradicimento na Sr.Roberto L. Brown cu a cumpli 35 aña den servicio trahando y
sirbiendo su pais na Cuerpo Policial Aruba.
Sr. Brown tin un trayectoria largo y cu hopi experiencia. E no ta desconoci den nos
comunidad pa su creatividad carnavalesco y pa su obranan. Sr. Brown awendia ta
docente na Scol di Polis E.J. Watty Vos, educando y formando hobennan pa bira polis.
Pabien na Sr. Brown pa un trayectoria largo pero cu hopi logro pa a yega 35aña den
nos organizacion policial.
Dos agente policial tambe a ricibi nan diploma den nan man. Despues cu a termina nan
estudio di nivel 4 MBO. Ta trata aki di agente R. Hoen y D. Chirino cu for di man di Sra.
Gordon a ricibi nan diploma cu exito.
Danki na famia di Sr. Brown, Hoen y Chirino pa e sosten duna na nan. Cuerpo Policial
Aruba ta orguyoso di boso. Masha pabien y hopi exito!
