Dia International di bisa “No na uzo di Tabacco” ta pa informa mundo completo en especialmente pueblo di Aruba ariba e peligronan ora ta yega na e uzo di tabacco.
Miembronan di World Health Organistation a crea e dia aki na aña 1987 pa crea conscientisacion ariba e epidemia di tabacco y e cifranan halto di morto y malesa cu uzo di tabacco ta trece cune. E impacto negativo cu uzo di tabacco tin ariba salud y tambe ariba nos comunidad completo en especialmente nos hobennan ta hopi grandi.
World Health Organisation ta raporta 8+ million morto pa aña a causa di e uzo di tabacco. Tabacco ta un di e causanan di mas grandi ora ta papia di problemanan respiratorio manera: Tuberculosis, Chronic Obstructive Pulmonary Disease y diferente otro tipo di problema cu pulmon. Na aña 2008 WHO a pone un stop na cualkier advertencia of promocion di uzo di tabacco.
E tema di e aña aki pa e dia international di bisa “No na uzo di Tabacco” ta Commit To Quit. No ta facil ora ta yega e topico di stop di huma pero si tin hopi beneficionan pa bo salud, bo cartera y diferente otro areanan den bo bida.
Ora cu e fluho di sanger ta bon, bo curpa lo ricibi mas oxygeno y nutrientenan importante.
E beneficionan ariba e salud mental ta grandi.
Un persona cu stop di huma lo experencia menos: • Anxiedad, depresion y e nivel di stress lo ta menos • Hala rosea mas facil • Mas energia • Hisa posibelidad pa fertilidad • Esaki ta duna un mihor calidad di bida. • Beneficionan financiero: Stop di huma por yudabo spaar mas. • Boost den bo Sistema inmunologico unda cu lo bo tin menos problema cu griep of otro problemanan respiratorio. • Menos bishita na dokter y menos placa na medicacion.
Uzo di tabacco tin hopi conscecuencia ariba nos salud en general, laga e beneficionan menciona aki riba ta un motivacion pa asina abo of un ser keri por minimalisa of stop e uzo di tabacco. Pa cualkier informacion preventivo di e uzo di tabacco bishita Fundacion Anti Droga Aruba na Campanastraat #5 of yama nos na 583-2999
