Recientemente, Stichting Overheids Accountant Bureau (SOAB) a entrega nan relato anual 2022 na minister di Finansa, sr. Javier Silvania. Cu entrega di e relato anual, cu e tema Transformacion, SOAB ta confirma nan deber di cumplimento responsabel den cuadro di bon gobernacion i maneho cooperativo adecua.
SOAB, e accountant di gobierno encarga cu control i conseho pa gobierno y institutonan gubernamental, ta compronde e importancia di responsabilisa na e mandatarionan eligi. E relato anual 2022, banda di ta contene informacion financiero, tambe ta duna un resumen di algun tarea importante cu durante e ultimo aña a keda ehecuta. Ademas SOAB ta duna cuenta i rason tocante ehecucion di e maneho di personal i garantia riba nan calidad organisatorio.
Cu e tema di e relato anual 2022 Transformacion, SOAB ta aserta e procesonan di cambio cu ta tumando luga den nan organisacion. E cambio mas sobresaliente tabata e mudansa fisico pa un edificio nobo i moderno na Corsou cu ta cumpli cu exigencianan di e empleado i doño di trabou moderno, sostene pa invasionnan cu ta facilita trabou. E forma di traha hibrido a sigui hana e structura adecua durante 2022 cu a keda fortifica den e maneho di SOAB.
Mes momento e direccion strategico nobo na SOAB, unda e mentalidad pa crecemento continuo i desaroyo (‘continuous growth & development’) di cada profesional a prevalece i a sigura cu e proceso di transformacion a continua durante e aña 2022, exitosamente. Transformacion ta referi na procesonan di cambio profundo i duradero, particularmente cambionan sostenibel dirigi riba e transformacion fundamental i structural di pensamento i comportacion di tanto gruponan, como individuonan.
Cu entrega di e relato anual na minister Silvania pa medio di e directornan di SOAB, Raymond Faneyte y Renata Sandriman, compaña pa Annemarie v/den Horst, presidente temporal di Hunta di Supervision, SOAB ta enfatisa transparencia, bon gobernacion i desaroyonan continuo pa cambio i mehoransa di su servicionan na bienestar di maneho financiero di gobiernonan di Corsou y Sint Maarten y tambe tur otro cliente. Ta SOAB su empeño pa mediante standard di calidad, norma y balor cu ta traha cune, sigui traha riba invasion, mehoransa i cambio den e organisacion pa mantene i optimalisa confiansa di e ciudadano relaciona cu transparencia i maneho responsabel di fondonan publico.
