Diestres caha cu 15210 vacuna di Pfizer BioNTec a yega St Maarten cu KLM for di Hulanda. Cu e cifra aki tin un cantidad di 7605 persona cu por keda vacuna. E yamada ta keda urgente pa tur esnan cu mester vacuna pa nan registra y haci esaki mas pronto cu ta posibel mirando e situacion cu Corsou tin na e momentonan aki pa e no yega St Maarten. Corsou na e momentonan aki tur dia ta ricibi den careda di 100 caso nobo di COVID riba e isla. E vacuna ta e arma crucial pa yuda bringa e virus di COVID-19. Hulanda ya caba den februari a manda vacuna pa St Maartenn, pero esaki ta e siguinte lote cu mester a yega pa asina por sigui vacuna e poblacion. Gobierno di St Maarten ta keda informa y keda enfoca pa tur hende sigui e intruccionnan nesesario pa asina hunto nan por Sali di e situacion aki mas lihe cu ta posibel. Laba man , keda 2 meter for di otro y no bay bishita ningun hende pa preveni aglomeracion. Na St Maarten e situacion no ta facil e hende nan no ta contenyto cu e situacion , pero na momento cu ta trata di bo salud tur hende ta coopera pa asina pronto st Maarten hunto por Sali for di e situacion aki.
1 comment