Tourism Corporation Bonaire (TCB) durante luna di novèmber a duna rekonosementu na 15 persona komo embahador di Boneiru. Ta trata akí di 14 wéspet i un rekonosementu spesial.
Den kategoria di bròns a honrá Udo Kraemer di Alemania ku ta bishitando Boneiru pa 10 aña. Tambe a rekonosé Michael i Gillian Skeemer prosedente di Inglatera i famia Byrd, John, Sheree I Mallory ku ta bishitando nos isla pa 12 aña.
Rhonda i David Cartwright konhuntamente ku Chuck i Lori Pearson tambe a keda honrá ku feneta di plata pa nan di 16 i 18 aña di bishita.
Feneta di oro a keda otorgá na Christian Albrecht i Frank Masuhr, ámbos di Alemania
pa nan di respektivamente 20 i 25 aña di bishita na nos isla.
Den e distinshon mas haltu a duna rekonosementu na Mary Stanford i Dwain Gardner
pa nan di 35 aña di bishita na Boneiru. A honra e pareha ku un plakat den kategoria di platina.
Tambe TCB a duna un rekonosementu spesial na Tanisha Baars, di desendensia boneriano, pa su logro komo kampion mundial di Jiu Jitsu.
Di parti di TCB un gradisimentu ta bai na Claire Thielman-Sealy di Captain Don’s Habitat, Dive Hut Boutique Apartments, Tropicana & Bonaire Fun i tambe na Milton Anthony. Helen Mercera i Virgy Balentin a ofisialisá e akto di rekonosementu.
