Delegacion di Saba a tene reunion fructifero cu Hulanda

DEN HAAG – Comisionado Bruce Zagers y Secretario di Isla Tim Muller durante nan bishita na Hulanda a topa cu miembronan di Eerste y Tweede Kamer di Parlamento Hulandes. Temanan di importancia pa Saba manera Ayudo, pobresa, conectividcdad, servicio bancario y infrastructura a wordo discuti.

Aunke cu e reunionnan cu diferente ministerio tabata e punto di enfole di e bishita, Zagers y Muller, a haya importante pa topa cu Eerste y Tweede Kamer riba diamars, 6 di juli. Den oranan di mainta, e dos oficialnan a topa cu e comision permanente di Relacion di Reino di Eerste Kamer y den oranan di merdia a topa cu miembro di Tweede Kamer y un miembro di Comision Permanente di Relacionnan di Reino Jorien Wuite. Na e reunion aki tabata presente Parlamentarionan di Eerste Kamer Paul Rosenmöller (Presidente), Jeroen Recourt, Boris Dittrich, Arda Gerkens y Eric van der Burg.

Comisionado Zagers a bisa cu ambos reunion tabata positivo. “E miembronan a expresa preocupacion real y apoyo pa temanan di Saba. Nan a mustra comprension y a haci hopi pregunta. Ta importante pa lucha pa causanan di Saba den Parlamento, pa comparti informacionnan den forma consistente pa nos haya atencion,” el a bisa.
E Conseho di Saba ya caba a topa cu e comision permanente di di Tweede Kamer di Relacionnan di Reino y un cantidad di miembronan di Parlamento luna pasa.

A papia riba e ayudo cu Saba ta haya for di Hulanda. Nan a splica e necesidad pa aumenta e ayudo anual aki cu gobierno di Saba ta ricibi pa cobru su gastonan di operacion.

Gobierno local tin hopi tarea pa cumpli cu nan, debi na entre otro financiamento di proyectonan incidental cu a crea obligacionnan structural. “E entidad publico Saba a wordo forsa pa neglisha of reduci e calidad di servicio pa hopi di su obligacionnan legal debi na e presion riba nan parti financiero, E lo no ta posibel pa presenta un presupuesto balansa pa 2022 sin cu mester sacrifica e calidad di e servicio cu ta brinda.”

Pobresa

Un tema importante treci dilanti ta eradicacion di pobresa. Discusion di pobresa ta algo andando prome cu Saba a bira un Entidad Publico na 2010-. “Algun progreso a wordo haci pero e ta bay demasiado poco poco. Implementando un minimo social no ta parce di ta un meta cu ta haya apoyo amplio na Hulanda. Pero e ta algo crucial pa e isla. Hopi ciudadano actualmente ta biba bou di e nivel di pobresa y ta haya nan mes forsa pa haci varios trabou y den algun caso, hasta sigui traha despues di baha cu pensioen pa cubri nan huur, utilidad y cuminda,” Zagers a splic.

Durante e pandemia a bini cu algun subsidio riba coriente y internet, pero cu lo vence final di e aña’ki. Saba kier un asercamento mas amplio unda no solamente tin un entrada social minimo, pero tambe cu ta duna mas atencion na e tarifanan di coriente, telecom, awa y transporte.

Un otro tema tabata e asunto di waf, e construccion di uno nobo na Black Rocks y e deficit presupuestario pa e proyecto di mas grandi cu Saba a yega di conoce. Mientras cu e plannan ta desaroyando, nos ta haya sa di mas facilidadnan cu ta necesario pero tambe e gastonan cu un proyecto asina grandi ta trece cune.” El a bisa cu corta gasto no ta un opcion.