Tur aña 20 di novèmber, ta dia Internashonal di Derecho di mucha.
Nashonnan Uni ta skohe tur aña aña un tema spesial pa dia Internashonal di Derecho di mucha. Esaki nan ta hasi pa promové konsiensia bou di mucha, kombibensia i mehorashon di bienestar di mucha. Tema pa e aña akí ta ‘Un dia pa reimaginá un mihó futuro pa tur mucha’.
E aña akí, e krísis di Covid-19 a kondusí na un krísis no intenshoná di derecho di mucha. E medidanan di e pandemia tabatin komo konsekuensia ku a bini kambio drástiko den bida di mucha. E kambionan akí por tin un impakto di bida largu riba bida di mucha.
Mucha tin por ehèmpel derecho riba enseñansa. E aña akí pa un periodo, muchanan mester a rekurí na enseñansa digital. No tabata posibel pa tur mucha sigui lès na kas, komo no ta tur hende tin internèt òf lèptòp.
Mucha tin derecho tambe riba tempu liber i pa hunga. Pa motibu di e medidanan di Covid-19, a stimulá hungamentu huntu ku otro mucha ménos òf a limitá esaki.
Apesar di e limitashonnan akí, diferente partido i organisashon na Boneiru a duna nan kontribushon pa pèrkurá ku ta limitá e kambionan mas tantu posibel i ku esei protehá tambe derecho di mucha.
Pasobra hustamente durante e periodo akí ta di gran importansia ku nos ta èkstra alerta pa muchanan di Boneiru i efekto di nan derechonan i nan futuro!
“Komo komunidat nos tur tin e responsabilidat pa sigur durante e periodo akí di Covid-19, hasi tur loke ta posibel pa sigurá un desaroyo sano i seif di mucha. Kumpli ku derecho di mucha ta un parti di esaki.” Diputado Nina den Heyer.
